Këngëtarja me famë botërore Dua Lipa është emëruar kuratore e festivalit prestigjioz “London Literature Festival 2026” që do të mbahet në Southbank Centre në Londër.
Artistja me origjinë shqiptare ka shprehur entuziazmin e saj për këtë rol të ri, duke theksuar rëndësinë e letërsisë dhe artit në jetën e përditshme.
Festivali pritet të mblidhi shkrimtarë, poetë dhe artistë nga e gjithë bota, me një fokus të veçantë në zërat e rinj dhe diversitetin kulturor.
“Është një nder i madh për mua që jam pjesë e këtij festivali. Letërsia ka qenë gjithmonë një burim frymëzimi për muzikën time,” tha Dua Lipa në një deklaratë zyrtare.