Departamenti Amerikan i Shtetit ka njoftuar pezullimin e dhënies së vizave të emigracionit për qytetarët e Shqipërisë dhe Kosovës duke filluar nga data 21 janar. Ky vendim vjen pas pezullimit të lotarisë amerikane dhe synon rishikimin e procedurave të kontrollit dhe verifikimit për aplikantët e vizave.
Një memorandum i Departamentit të Shtetit, i parë nga Fox News Digital, udhëzon zyrtarët konsullorë të refuzojnë vizat sipas ligjit ekzistues, ndërkohë që procedurat janë në rishikim. Pezullimi nuk ka një afat të caktuar për përfundim, duke pritur përfundimin e rivlerësimit të procesimit të vizave të emigracionit.
Në nëntor 2025, një udhëzim i Departamentit të Shtetit kërkonte zbatimin e rregullave të reja për kontrollin e aplikantëve, duke përfshirë dispozitën ‘public charge’. Kjo kërkon që zyrtarët të refuzojnë vizat për ata që mund të mbështeten në përfitime publike, bazuar në faktorë si shëndeti, mosha, njohuritë e gjuhës angleze dhe gjendja financiare.
Ambasada e SHBA-ve në Tiranë ka sqaruar se qytetarët shqiptarë që disponojnë vizë amerikane mund të udhëtojnë drejt SHBA-ve vetëm për qëllime si turizmi, pushimet, blerjet, takimet biznesi apo vizita te miqtë dhe të afërmit. Udhëtimet për qëllime si lindja e fëmijës, studimi për një diplomë apo punësimi nuk lejohen.
Logo e Shekulli
